لەسەر ڕێگای کەلار- دەربەندیخان نزیک گوندی تازەدێ بەهۆی ڕووداوێکی هاتووچۆوە پێنج کەس برینداربوون.
بەڕێوەبەرایەتی هاتووچۆی گەرمیان بڵاویكردەوە، پاش نیوەڕۆی ئەمڕۆ (شەممە) لەسەر ڕێگای کەلار- دەربەندیخان ئۆتۆمبێلێکی جۆری تۆیۆتا کراون بەئاراستەی قەزای کەلار هاتووە، لەنزیک گوندی تازەدێ کۆنتڕۆڵی لەدەستداوە و خۆی کێشاوە بە بەربەستی قەراخ ڕێگاکەدا.
ڕاشیگەیاندووە، بەوهۆیەوە شۆفێر و چوار سەرنشین برینداربوون و ڕەوانەی نەخۆشخانەی فریاکەوتنی شەهید هەژار کران.
ئاماژەی بەوەشكردووە، لەلایەن تیمی هاتووچۆوە لێکۆڵینەوە لەڕووداوەکە دەستیپێکردووە، بەمەبەستی زانینی هۆکار و چۆنیەتی ڕووداوەکە.
