بانكی تاجەرۆ ئاگاداری خانەنشینان و كەمئەندامان دەكاتەوە، كە ئەمڕۆ و سبەینێ سەردانیان بكەن بۆ بایۆمەتری و دەشڵێت: مامۆستایانی گرێبەست سەردان نەكەن.
بانكی تانجەرۆ لە سلێمانی لە ئاگادارییەكدا ئاماژەی بەوەكردووە، “ئاگاداری هاووڵاتیانی شاری سلێمانی و دەورووبەری ئەکەین کەوا ئەمڕۆ هەینی و سبەی ڕۆژی شەممە دەرگای بانکمان کراوەیە بۆ دروست کردنی بایۆمەتری بۆ خانەنشینان و کەم ئەندامان و خاوەن پێداویستی تایبەت”.
ڕاشیگەیاندووە، مامۆستیایانی کرێ بەست سەردان نەکەن، چونکە بڕیار دەرنەچووە بۆیان دروست بکرێت.
ئەمە لەكاتێكدایە، كە وەزارەتی دارایی هەرێم ئاشكرای كردووە، كە زۆربەی كێشەی مووچە و بایۆمەتری مووچەخۆران چارەسەر كراوە.
