لەناوچەی كهرمانكازان ی ئەنقەرەی پایتەختی تورکیا ھێرشێکی خۆکوژی و چەکداری کرایە سەر کۆمپانیایەکی دروستکردنی فرۆکەی بێ فرۆکەوانی تورکی بەناوی (TUSAŞ) و بەهۆیەوە كوژراو و بریندار هەیە.
عەلی یەرلی كایا، وەزیری ناوخۆی توركیا ڕایگەیاند، لەبەردەم دامەزراوەی پیشەسازیی بۆشایی ئاسمان و فڕۆکەوانی “توساش” لە ئەنقەرە تەقینەوەیەک ڕوویدا و کوژراو و بریندار هەن، هاوكات دوای 40 خوولەك تەقینەوەیەكی دیكە لەنزیك ئەو شوێنە ڕوویداوە.
ڕاشیگەیاندووە، “تەقینەوەكە تیرۆرستی بووە و كوژراو و بریندارمان هەیە”.
بەپێی هەواڵی میدیاكانی توركیا، لە نزیك شوێنی تەقینەوەكە، دەنگی تەقە و ڕووبەڕووبوونەوەی چەكداری دەبیسترێت و هێزە ئەمنییەكان ناوچەكەیان گرتووە.
