بەڕێوەبەری خانەنشینی پێشمەرگە ئاشکرای کرد، تا ئێستا هیچ هەنگاوێک بۆ پرسی هاوتاکردنی مووچەی خانەنشینی سەربازی نەنراوە و ئەوانیش چاوەڕوانی وەزارەتید دارایین بۆ ئەو پرسە.
عەزیز عەلی، بەڕێوەبەری خانەنشینی پێشمەرگە بە “تۆڕی میدیایی خەڵک”ی راگەیاند: تا ئێستا هیچ هەنگاوێک بۆ بابەتی هاوتاکردنی خانەنشینی پێشمەرگە نەنراوە و بۆ ئەوەش چاوەڕوانی وەزارەتی دارایین.
باسی لەوەشکرد: هەر کات وەزارەتی دارایی بڕیار بدات بۆ بابەتی هاوتا کردنەکە، ئەوانیش جێبەجێی دەکەن.
باسی لەوەشکرد: چاوەڕوان دەکرێت تا سەرەتای ساڵی داهاتی هاوتاکردنی خانەنشینی سەربازیش جێبەجێ بکرێت.
لە بارەی چارەسەربوونی کێشەی مووچەی خانەنشینانی هێزەکانی 70، عەزیزعەلی وتی: “تا ئێستا خانەنشینانی هێزەکانی 70، نەخراونەتە سەر وەزارەتی پێشمەرگە و وەک پێشتر ماوەتەوە”.
لە هەرێمی کوردستان نزیکەی 30 هەزار خانەنشینی سەربازیی هەن، لەو ژمارەیە نزیکەی 12 هەزاریان لە سنووری سلێمانین.
