ئەمینداری گشتی یەكگرتووی ئیسلامی كوردستان ڕایدەگەیەنێت،لەگەڵ بوونی هەندێ سەرنج و تێبینی پرۆسەکە بەدوور لە خەوش و ساختە تێپەر بوو.
سەڵاحەدین بەهادین، ئەمینداری گشتی یەكگرتوو لە بەیاننامەیەكدا ڕایگەیاند، دەستخۆشی لەسەرجەم لایەن و کەسایەتی و لیستەکانی کێ بەرکێی ئەم هەڵبژاردنە کە سوپاس بۆ خودا پرۆسەکە بە ئاشتی و ئارامی بەرێ کرا.
دەقی بەیاننامەكە:
بە بۆنەی کۆتایی هاتنی پرۆسەی هەڵبژاردنی خولی شەشەمی پەرلەمانی کوردستان پیرۆزبایی لەگەلی کوردستان ئەکەم .. لە ئەنجامدا گەلی کوردستان براوەی یەکەمە ..
دەستخۆشی لەسەرجەم لایەن و کەسایەتی و لیستەکانی کێ بەرکێی ئەم هەڵبژاردنە کە سوپاس بۆ خودا پرۆسەکە بە ئاشتی و ئارامی بەرێ کرا .
لەگەڵ بوونی هەندێ سەرنج و تێبینی پرۆسەکە بەدوور لە خەوش و ساختە تێپەر بوو بۆیە دەستخۆشی ئەکەین لە کۆمسیۆنی سەربەخۆی هەڵبژاردنەکان و تیمی چاودێریە نێو دەوڵەتی و نێوخۆییەکان و چاودێری لایەنە بەشدارەکان و ستافە ئەمنیەکان و دەزگا پەیوەندیدارەکان.
سوپاس بۆ جەماوەر و سەرخەرانی لیستی (١٤٨) ی یەکگرتووی ئیسلامی کوردستان کە بە پابەندی یاسایی و ئەخلاقی سیاسیەوە هەڵمەتی بانگەشەو و پرۆسەی هەڵبژاردنەکەیان ئەنجامدا ..
ئەمە هەنگاوی یەکەمە بە ئاراستەی دروست ،،بۆ گێڕانەوەی شەرعیەت بۆ دامودەزگا فەرمیەکان و کۆتایی هێنان بە نادادی و قۆرخکاری ..
بەهیوای ئایندەیەکی گەشتر
