بەپێی دواین ئاماری كۆمسیۆنی باڵای سەربەخۆی هەڵبژاردنەكانی عێراق تاوەكو نیوەڕۆ ڕێژەی دەنگدان 31% بووە و ڕایدەگەیەنێت، كاتژمێر 6ی ئێوارە سندوقەكانی دەنگدان دادەخرێن.
کۆمسیۆنی باڵای سەربەخۆی هەڵبژاردنەکانی عێراق لە بەیاننامەیەكدا ئاماژەی بەوەكردووە، بنكە و وێستگەكانی دەنگدان بۆ هەڵبژاردنی 2024ی پەرلەمانی كوردستانی عێراق بۆ دەنگدانی گشتی كاتژمێر 6ی ئێوارەی ئەمڕۆ یەك شەممە دادەخرێن و درێژناكرێتەوە.
ڕاشیگەیاندووە، پڕۆسەی داخستنی وێستگەكانی دەنگدان بەشێوەی ئەلیكترۆنی دەبێت.
کۆمسیۆنی باڵای سەربەخۆی هەڵبژاردنەکانی عێراق ڕایگەیاند، رێژەی بەشداری لە هەڵبژاردن تا کاتژمێر 12ـی نیوەڕۆ 31٪ بووە.
