سەلاحەدین بەهادین، رایگەیاند، یەكگرتووی ئیسلامیی كوردستان بەجددی بەشداری پرۆسەی هەڵبژاردنەكان دەكات و بۆ ئەو مەبەستەش پۆلێك لە كاندیدی لێهاتوو و شارەزای هەڵبژاردووە.
بە گوێرەی راگەیەندراوی نووسینگەی ئەمینداری گشتی یەکگرتوو، تیایدا هاتووە: شەوی رابردوو، سەلاحەدین بەهادین ئەمینداری گشتی لەمیانەی سەردانەكەی بۆ پارێزگای هەڵەبجە بەئامادەبوونی ژمارەیەك لە ئەندامانی سەركردایەتی و ئەنجومەنی جێبەجێكردن، لەگەڵ رێكخستنەكانی حزبەکەی لە هەڵەبجە و خورماڵ كۆبوویەوە.
لەو بارەوە رایگەیاندوە: یەكگرتووی ئیسلامیی كوردستان بەجددی بەشداری پرۆسەی هەڵبژاردنەكان دەكات و بۆ ئەو مەبەستەش پۆلێك لە كاندیدی لێهاتوو و شارەزای هەڵبژاردووە.
وتیشی: لە ماوەی 30 ساڵی رابردوو پۆلێك لە خوشك و برای بەتوانا لەم كاروانەدا پێكەوە كارمان كردووە و جێگەی شانازییە بە رووسووری بچیتە ناو خەڵك و كەس نەبێت پێت بڵێت كوڕی منت داوە بە كوشت یان زوڵمت لەمن كردووە، بە پێچەوانەوە ئێمە بووینەتە بەخێوكاری یەتیمان و پەروەردەی تاكەكان.
