بەنداوی گۆمەسپان یەکێکە لە پرۆژەکانی حکوومەتی ھەرێمی کوردستان، بەنداوەکە 35 کیلۆمەتر لە ھەولێر دوورە و بەرزییەکەی 70 مەترە و 513 مەتریش درێژە زیاتر لە 97 ملیۆن مەتر سێجا ئاو لە خۆ دەگرێت.
بەنداوی گۆمەسپان، سێیەم گەورەترین بەنداوی ھەرێمی کوردستان و گەورەترین بەنداوی سنووری پارێزگای ھەولێرە و دەبێتە یەکێک لە سەرچاوەکانی دابینکردنی ئاوی پاک بۆ دانیشتووانی شاری ھەولێر و ناوچەکانی دەوروبەری.
عەبدوڵڵا گەردی، بەڕێوەبەری کۆمپانیای جێبەجێکاری بەنداوی گۆمەسپان ڕایگەیاند ، ئێستا بەنداوەکە سەروو 10 ملیۆن مەتر سێجا ئاوی تێدایە، کاتێک بەنداوەکە پڕ دەبێت سەروو 97 ملیۆن مەتر سێجا ئاو لەخۆ دەگرێت، سەرجاوەی ئاوەکەشی ئاوی بارانە.
