بەڕێوەبەرایەتی پۆلیسی سلێمانی ڕایدەگەیەنێت، لێکردنەوەی ئاسنی پۆستەری کاندیدەکان وەک دزی مامەڵەی لەگەڵدا دەکات.
سەرکەوت ئەحمەد، وتەبێژی پۆلیسی سلێمانی لەبارەی لێکردنەوەی ئاسنی پۆستەری کاندیدەکانی هەڵبژاردنی پەرلەمانی کوردستان ڕاگەیاندووە، ھەر حاڵەتێکی لێکردنەوە و بردنی ئاسنی پۆستەری کاندیدەکان ھەبێت، پۆلیسی سلێمانی وەک دزی مامەڵەی لەگەڵدا دەکات و ڕوبەرووی سزای یاسایی دەبێتەوە.
ئاماژەی بەوەکردووە، کۆمسیۆن لە حاڵەتی دزین و لێکردنەوەی ئاسنی پۆستەرەکان ئاگاداری کردنەوە، ئەوا پۆلیس ئەو کەسانە دەستگیردەکات و دواتر دادگا ڕووبەڕووی سزای یاسایی و پێبژاردنیان دەکاتەوە.
ئەمە لەكاتێكدایە، كە لە شەوی ڕابردووەوە بنگەشەی هەڵبژاردن كۆتایی هاتووە و تا ئێستا پۆستەر و ڕیكلامی هەڵبژاردنی حزب و كاندیدەكان لێنەكراونەتەوە و بەپێ هەندێك تۆكاری ڤیدیۆیی، چەند هاووڵاتییەك هەستاون بە لێكردنەوەی ژمارەیەك پۆستەری ئاسن.
