زانكۆی سلێمانی پێویستی بە گواستنەوەی ڕاژەی 21 مامۆستا و فەرمانبەر هەیە لە پسپۆڕی جیاواز بۆ كۆلێژی زانستە ژینگەییەكانی شارباژێڕ.
بەپێی هەردوو گشتاندنی سەرۆكایەتی دیوانی ئەنجوومەنی وەزیران و وەزارەتی خوێندنی باڵا، ڕەزامەندی دراوە بە گواستنەوەی ڕاژەی 21 مامۆستا و فەرمانبەر لە وەزارەتەكانی دیكە بۆ سەر زانكۆی سلێمانی/ كۆلێژی زانستە ژینگەییەكانی شارباژێڕ.
بەپێی گشتاندنەكە، لەکۆی ئەو 21 ڕاژەیە، 8 مامۆستایان خاوەنی بڕوانامەی ماستەر و دکتۆران، ئەوانەی دیکە فەرمانبەرن و هەڵگری بڕوانامەی دبلۆم یان بەکالۆریۆس یان شۆفێر و كارگوزارن.
فەرمانبەرەکان بەپێی پسپۆڕی بۆ ئەم بەشانە دەگوازرێنەوە: کتێبخانە، کارگێڕی، گەنجینە، کۆمپیوتەر، ئامار، ژمێریاری، شۆفێر و کارگوزار.
