ئەمڕۆ یەك شەممە بەهۆی تەمەوە گەشتەكانی فڕۆكەخانەی نێودەوڵەتی هەولێر بەشێوەیەكی كاتی ڕاگیران.
بەپێی زانیارییەكان، گەشتەكانی فڕۆكەخانەی هەولێر بەهۆی تەمێكی چڕەوە كە بەهۆی ئەو شەپۆلی باران و بەفرەی هەرێمی كوردستانی گرتووەتەوە، دروستبووە، بەشێوەیەكی كاتی ڕاگیران.
سەرچاوەیەك لە فڕۆكەخانەی نێودەوڵەتی هەولێر ڕایگەیاند، ئێستا گەشتە ئاسمانییەكان دەستیان پێكردووەتەوە و گەشتەكان بە شێوەیەكی ئاسایی ئەنجام دەدرێن.
ماوەی چەند ڕۆژێكە شەپۆلێكی بەفر و باران هەرێمی كوردستانی گرتووەتەوە و لە هەندێك ناوچەش ئاستەنگی هاتووچۆی دروستكردووە.
