بەڕێوەبەرایەتیی نەوت و کانزاکانی سلێمانی ڕایگەیاند، دابەشکردنی نەوت لە سەنتەری پارێزگەی سلێمانی دەستپێبکات.
بە پێی ڕاگەیەندراوێکی بەڕێوەبەرایەتیی نەوت و کانزاکانی سلێمانی ئەمڕۆ چوارشەممە، دابەشکردنی نەوت لە سنووری مەڵبەندی یەکی سەنتەری شاری سلێمانی دەستپێدەکات.
مەڵبەندی یەك لە سلێمانی پێكهاتووە، لە گەڕەکەکانی شەهیدانی ئازادی، ئازادی، عەلی كەمال، هەوارە بەرزە، گۆیژەی تازە و توویمەلیك. بۆ هەر بەرمیلێک نەوت بڕی 104 هەزار دینار لە هاووڵاتییان وەردەگیرێت.
بەگوێرەی راگەیەندراوی وەزارەتی سامانە سرووشتییەکانی هەرێمی کوردستان، تاوەکو ڕۆژی 2ی ئەم مانگە، 25 ملیۆن و 164 هەزار و 600 لیتر نەوتییان بەسەر 125 هەزار و823 خێزاندا دابەشکردووە.
