بانکی ناوەندی ڕووسیا ڕایگەیاند، یەدەگی زێڕی وڵاتەکە زیادیکردووە.
ئەمڕۆ سێشەممە، بانکی ناوەندی ڕووسیا ڕایگەیاند، یەدەگی زێڕ لە مانگی ئەیلوولی ڕابردوودا بە ڕێژەی 5.8% زیادیکردووە و گەیشتووەتە 199.8 ملیار دۆلار، لەکاتێکدا لە مانگی ئەیلولی 2023دا 188.8 ملیار دۆلار تۆمارکراوە.
هەروەها پشکی ئەو کانزا بەنرخە لە یەدەگی زێڕ و ئاڵوگۆڕی دراوی بیانی ڕووسیا لە 30.8% بۆ 31.5% بەرزبووەتە.
ڕووسیا لە ڕیزبەندی پێنجەمی جیهاندایە لە یەدەگی زێڕدا و خاوەنی 2336 تۆن زێڕە.
