بوومەلەرزە ناوچە سنووریەكانی ڕۆژهەڵات و هەرێمی كوردستانی لە نزیك پارێزگای هەڵەبجە هەژاند.
دەستەی كەشناسی و بوومەلەرزەزانی عێراق لە بەیاننامەیەكدا ئاماژەی بەوەكردووە، ئێوارەی ئەمڕۆ شەممە 5ی ئۆكتۆبەر، بوومەلەرزەیەك بە دووری 22 كیلۆمەتر لە ناوچە سنووریەكانی نێوان ئێران و عێراق (ڕۆژهەڵاتی كوردستان و هەرێمی كوردستان) و 40 كیلۆمەتر لە پارێزگای هەڵەبجە ڕوویدا.
ڕاشیگەیاندووە، بوومەلەرزەكە بە گوڕی 4.1 پلە بەپێوەری ڕێختەر بووە و هاووڵاتیان هەستیان پێ كردووە.
