لە ئاکامی تەقینەوەی بۆمبێک لەبەردەم دوکانێکی ئاڵوگۆڕی دراودا، چوار کەس لە کەرکووک برینداربوون.
ئەمڕۆ شەممە، سەرچاوەیەکی ئەمنی لە شاری کەرکووک ڕایگەیاند، لە بەردەم دوکانێکی گەڕەکی موسەڵا، بۆمبێک تەقییەوە و بە هۆیەوە چوار کەس کە یەکێکیان دوکاندارەکەیە برینداربوون.
ڕوونیشیکردەوە کە دوکانەکە شوێنی ئاڵوگۆڕی دراو بووە، بەڵام هۆکاری بە ئامانجگرتنی نەزانراوە.
سەرچاوەکە ئەوەشی خستەڕوو کە هێزێکی ئەمنی چوونەتە شوێنی ڕووداوەکە و دەستیان بە لێکۆڵینەوە کردووە.
