نوێنەری مامۆستایانی وانەبێژ لە هەرێم وادەی دابەشکردنی شایسەتی وانەبێژان ڕاگەیاند و دەڵێت”هەفتەی داهاتوو دابەشدەکرێت”.
عەلی رەئووف، نوێنەری گشتیی مامۆستایانی وانەبێژ لە هەرێمی کوردستان رایگەیاند، “لە رۆژانی چوارشەممە و پێنجشەممەی هەفتەی داهاتوودا دەست بە دابەشکردنی شایستەی دارایی مامۆستایانی وانەبێژ دەکرێت”.
ئەمەش لە کاتێکدایە، لە چەند ڕۆژی ڕابردوودا لەسەر فەرمانی ئەنجومەنی وەزیرانی هەرێم، سەرجەم مامۆستایانی وانەبێژ کە زیاترن لە 38 هەزار کەس، کرانە گرێبەست و بڕیارە لە مانگی ئەیلوولی ئەمساڵەوە مووچەکانیان بەشێوەی گرێبەست وەربگرن.
