سەرۆک کۆماری ئێران لە قەتەرەوە پەیامێکی بە دەسەڵاتدارانی ئیسرائیل دا و وتی”گەر ئیسرائیل وەڵام بداتەوە، ئێران توندتر وەڵامی دەبێت”.
ئەمڕۆ چوارشەممە، مەسعود پزشکیان، سەرۆک کۆماری ئێران نیوەڕۆی ئەمڕۆ گەیشتە قەتەر و لە میانی کۆنگرەیەکی ڕۆژنامەوانیدا لەگەڵ ئەمیری دەوڵەتی قەتەر ڕایگەیاند، ئێمە چاومان لە پتەوکردنی پەیوەندییەکان لەگەڵ دەوڵەتی قەتەر و ئیرادەیەکی هاوبەشمان هەیە بۆ بەرزکردنەوەی هاوکارییەکان، و ڕۆڵی قەتەر گرنگە بۆ بەرزکردنەوەی هاوکارییەکانی نێوان وڵاتانی ئیسلامی بەرز دەنرخێنین.
ئاماژەی بەوەشکرد: ئاسایشی ناوچەکە ئاسایشی هەموو موسڵمانانە، ئێمەش بەدوای شەڕدا ناگەڕین، بەڵکو بەدوای ئاشتی و ئارامیدا دەگەڕێین، بەڵام ئەگەر ئیسرائیل وەڵاممان بداتەوە، وەڵامی بەهێزتر و توندتر دەدەینەوە.
پزشکیان ئاماژەی بەوەشدا، ناسەقامگیرکردنی ئاسایش لە ناوچەکەدا لە بەرژەوەندی ئەوروپییەکان و ئەمریکا نییە، دانبەخۆداگرتنی ئێمە بۆ راگەیاندنی ئاگربەست و ڕیککەوتن بوو، بەڵام ئەوە مافی خۆمانە تۆڵەبکەینەوە.
