ئەنجومەنی نوێنەران خوێندنەوەی دووەم بۆ هەمواری یاسای باری کەسی دەکات و بڕیارە بخرێتە دەنگدانەوە.
بڕیارە ئەمڕۆ چوارشەممە، ئەنجومەنی نوێنەرانی عێراق دەنگ لەسەر هەمواری یاسای باری کەسی بدات کە مشتومڕێکی زۆر و ناڕەزایی چالاکوانانی مافەکانی ژن و منداڵانی لێکەوتووەتەوە.
لایەنە شیعەکان پێداگری دەکەن لەسەر هەموارکردنی یاساکە کە بەپێی مەزهەبی جەعفەری داڕێژراوە.
چالاکوانان و یاساناسان پێیانوایە کە هەمواری یاساکە پێشێلکردنی مافەکانی مرۆڤە، چونکە ڕێ دەدات بەوەی هاوسەرگریی لەگەڵ کچی منداڵدا بکرێت.
