کەشناسی: لەگەڵ هەورەبروسکەدا تاوەباران دەبارێت

پلەی گەرما نزم دەبێتەوە و تاوەباران و هەورە بروسکەش چەند ناوچەیەکی هەرێمی کوردستان دەگرێتەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ سێشەممە، ئاسمان نیمچە هەور دەبێت و لە ناوچە شاخاوییەکاندا بۆ هەوری تەواو دەگۆڕێت. ئەوەشی خستەڕوو کە لەکاتەکانی شەودا لەناوچەکانى رۆژهەڵاتى هەرێم نمە باران دەبێت، بەتایبەتىش لەسنوورى ئیدارەى راپەرین هەندێ کات دەگۆڕێت بۆ تاوە باران و بروسکە.

سەبارەت بە سبەینێ چوارشەممەش ڕایگەیاند کە ئاسمان نیمچە هەور دەبێت و لە هەندێک ناوچەى شاخاوى ئەگەرى نمە باران هەیە و گەرماش 3-4 پلە نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر :30 پلەى سیلیزى

سلێمانی : 29 پلەى سیلیزى

دهۆک : 29 پلەى سیلیزى

کەرکووک : 33پلەى سیلیزى

هەڵەبجە : 30 پلەى سیلیزى

زاخۆ : 30 پلەى سیلیزى

حاجی ئۆمەران : 16 پلەى سیلیزى

سۆران : 28 پلەى سیلیزى

گەرمیان : 34 پلەى سیلیزى