بەهۆی کەوتنەوەی ئاگر لە سنووری گوندێکی شارباژێڕ، سەدان دۆنم سووتان و پۆلیسی دارستانیش دەڵێت لێکۆڵینەوە لەبارەی هۆکاری ئاگرەکە بەردەوامە.
ئەمڕۆ سێشەممە، بەڕێوەبەرایەتی پۆلیسی دارستان و ژینگەی سلێمانی ڕایگەیاند، تیمەکانی پۆلیسی دارستان توانییان ئاگرێک کۆنترۆڵ بکەن کە لە سنوری گوندی خەمزە کەوتبووەوە و بووە هۆی سووتانی نزیکەی 300 دۆنم پووش و پاوان و داری سروشتی.
ئەوەشی خستەڕوو کە هۆکاری ئاگرەکە نەزانراوە و لێکۆڵینەوە و بەدواداچوون لەو بارەیەوە بەردەوامە.
