لە ئاکامی چەند ڕووبەڕووبوونەوەیەکی چەکداریدا، دوو پاسداری ئێران لە پارێزگەی سیستان و بەلوچستانی باشووری ڕۆژهەڵاتی وڵاتەکە کوژران و ئەفسەرێکی پۆلیسیش برینداربوو.
ئەمڕۆ دووشەممە، ئاژانسی هەواڵی ئیرنا بڵاویکردەوە لە گوندی بیشامکی سەر بە شاری ڕاسکی پارێزگەی سیستان و بەلوچستان، چەکدارێکی سەر بە سوپای پاسداران کوژرا.
ڕوونیشیکردەوە پاسدارەکە لە میانی ڕووبەڕووبوونەوەی لەگەڵ گروپێکی چەکداردا کوژراوە کە بە گروپی تاوانکاری وەسفیکردووە و دووانی دیکەش برینداربوون.
لە شاری خاشیش کارمەندێکی یەکەی ڕێنجەرزی سەر بە ئاسایشی ئێران کوژرا.
هاوکات پۆلیسی ئێرانشەهر ڕایگەیاند ژمارەیەک چەکدار کە بە تیرۆریست ناویبردوون، تەقەیان لە بنکەکەیان کردووە و بە هۆیەوە ئەفسسەرێکی بنکەکەیان بیرنداربووە.
