سەرۆکایەتی ھەرێمی کوردستان “بە نیگەرانییەکی زۆرەوە لە پێشھاتە سەربازییەکانی ڕۆژھەڵاتی ناوەڕاست دەڕوانین”
سەرۆکایەتی ھەرێمی کوردستان لە ڕاگەیاندراوێکدا بڵاویکردووەتەوە، بە نیگەرانییەکی زۆرەوە لە پێشھاتە سەربازییەکانی ڕۆژھەڵاتی ناوەڕاست و بەئامانجگرتنی، ئەمینداری گشتیی حیزبوڵڵای لوبنانی سەید حەسەن نەسروڵڵا و یاوەرانی دەڕوانین، و پرسە و سەرەخۆشی لە خێزان و کەسوکاری شەھیدان دەکەین و ھاوخەمیانین”.
لە بەشێکی دیکەی ڕاگەیاندراوەکەدا ھاتووە، ئەم پێشھاتانە مەترسییەکی جددی لەسەر ئاسایش و سەقامگیریی ناوچەکە دروست دەکەن. ھۆشداری دەدەین کە بەردەوامیی ئەم دۆخە تەنیا کارەسات و ماڵوێرانیی زیاتری بۆ ھەموو لایەک بەبێ جیاوازی لێ دەکەوێتەوە.
لە کۆتاییدا، سەرۆکایەتی ھەرێم داوای لە ھەموولایەک کردووە کە دان بەخۆیاندا بگرن و ڕێگا لە تێکچوونی دۆخەکە بگرن و سەقامگیریی ناوچەکە بپارێزن.
