![](https://xelk.org/wp-content/uploads/2024/03/awincity2.png)
سەرۆکایەتی هەرێمی کوردستان ڕاگەیەندراوێکی دەربارەی کوژرانی حەسەن نەسروڵا بلاوکردەوە و دەڵێت: “ئەم پێشهاتانه مەترسییەکی جددی لەسەر ئاسایش و سەقامگیريی ناوچەکە دروست دەکەن”
ئەمڕۆ یەکشەممە، سەرۆکایەتی هەرێمی کوردستان ڕایگەیاند، “به نيگهرانييهكى زۆرهوه له پێشهاته سهربازييهكانى ڕۆژههڵاتى ناوهڕاست و بهئامانجگرتنى سهيد حهسهن نهسروڵا، ئهميندارى گشتيى حيزبوڵاى لوبنانى و ياوهرانى دهڕوانين. پرسه و سهرهخۆشى له خێزان و كهسوكارى شههيدان دهكهين و هاوخهميانين”.
سەرۆکایەتی هەرێم دەڵێت: “ئەم پێشهاتانه مەترسییەکی جددی لەسەر ئاسایش و سەقامگیريی ناوچەکە دروست دەکەن. هۆشداری دەدەین کە بەردەواميى ئهم دۆخه تەنیا کارەسات و ماڵوێرانيی زیاتری بۆ ههموو لايهك بهبێ جياوازى لێ دەکەوێتەوە. بۆیە داوا لە هەمووان دەكهين به دانايى و دانبهخۆداگرتن، ڕێگه له تێکچوونی دۆخەکە بگرن و سەقامگیريی ناوچەکە بپارێزن”.
دوێنێ سوپای ئیسرائیل ڕایگەیاند، لە ئاکامی ئەو هێرشەی کە ڕۆژی هەینی کردیانە سەر بەیروتی پایتەختی لوبنان، حەسەن نەسروڵا ئەمینداری گشتی حزبوڵایان کوشتووە، دواتریش هەواڵەکە لەیانە حزبەکەوە پشتڕاستکرایەوە.