بە پێی ڕاپۆرتی ئاژانسی هەواڵی ئیمنا، سەردار عەباس نیلفرۆشان، جێگری ئەفسەری ئۆپراسیۆنەکانی سوپای پاسداران ڕۆژی هەینی لە هێرشی ئیسرائیل بۆ سەر گەڕەکێکی باشووری بەیروت کوژراوە.
سەردار عەباس نیلفروشان یەکێک لە فەرماندە دیار و ناسراوەکانی سوپای پاسدارانی ئێران، پشتیوانێکی گەورەی حزبوڵای لوبنان بوو، ئامادەبوونی ناوبراو لە لوبنان و بەتایبەتتر لە پلاندانانی سەربازی و دیپلۆماسیدا یارمەتی حزبوڵای داوە بۆ زیادکردنی توانای خۆی لە بەرامبەر ئیسرائیل دا.
