وەزارەتی خوێندنی باڵا ئاماژە بەوەدەکات، مەڵبەندەکانی ڕاوێژکاریی زانکۆلاین لە زانکۆی پۆلیتەکنیکی گەرمیان بەردەوامن.
وەزارەتی خوێندنی باڵا و توێژینەوەی زانستی هەرێم لە ڕاگەیەندراوێکدا بڵاویکردەوە، زانکۆی پۆلیتەکنیکی گەرمیان دوو مەڵبەندی ڕاوێژکاریی بۆ پڕکردنەوەی فۆرمی زانکۆلاین و پێدانی ڕێنمایی و ڕاوێژی ورد بە دەرچوانی ١٢ی ئامادەیی کردوەتەوە.
ئاماژەی بەوەشکرد، ڕۆژانە تیمی شارەزا بە بێ بەرامبەر لەهەردوو مەڵبەندەکە لەپێشوازی دەرچوانی ١٢ی ئامادەیین لەکاتژمێر ٨:٣٠ی بەیانی هەتا ١:٠٠ی نیوەڕۆ.
مەڵبەندی ڕاوێژکاریی شاری کەلار دەکەوێتە بینای پەیمانگای تەکنیکی کەلار لەگەڕەکی فەرمانبەران.
مەڵبەندی ڕاوێژکاریی شاری کفری دەکەوێتە کۆلێجی تەکنیکی کفری لەبینای کتێبخانەی گشتیی کفری.
