وەزارەتی سامانە سروشتییەکان ڕایگەیاند، تائێستا زیاتر لە ١٠ ملیۆن لیتر نەوتی سپی بەسەر زیاتر لە ٥٢ ھەزار خێزان لە ناوچە شاخاوییەکان دابەشکراوە و بەمزووانەش دەگاتە سەنتەری شارەکان.
وەزارەتەکە ئامارەکانی خستووەتەڕوو، کە زۆرترین بڕە نەوت لە پارێزگای ھەولێر دابەشکراوە کە دوو ملیۆن و ٥٦١ ھەزار و ٤٠٠ لیتر بووە، دواتر لە سۆران دوو ملیۆن و ١٨٦ ھەزار لیتر و لە دھۆکیش زیاتر لە دوو ملیۆن لیتر نەوت و لە سلێمانی یەک ملیۆن و ٩١٨ ھەزار لیتر نەوتی سپی دابەشکراوە، بە گشتیش ١٠ ملیۆن و ٤٥١ ھەزار و ٤٠٠ لیتر نەوتی سپی بەسەر پارێزگا و ئیدارە سەربەخۆکان دابەشکراوە.
کۆی گشتی ئەو خێزانانەشی سودمەندبوون گەیشتووەتە ٥٢ ھەزار و ٢٥٧ خێزان، کە بۆ ھەرخێزانێک ٢٠٠ لیتر نەوتی سپی بەرامبەر ١٠٤ ھەزار دینار پێدەدرێت، بەمنزیکانە دابەشکردنی نەوتی سپی دەگاتە سەنتەری شارەکان.
