گەنجێکی تەمەن ٣٧ ساڵ لەکاتی راوەماسیدا لە ڕووباری سیروان لە سنووری قەزای کەلار خنکا و تائێستا تەرمەکەی نەدۆزراوەتەوە.
ئیبراھیم محەمەد، وتەبێژی بەرگری شارستانی گەرمیان ڕایگەیاندووە، ئێوارەی ئەمڕۆ ئاگادارکرانەوە لە ڕووداوێکی خنکان لە ڕووباری سیروان و دەستبەجێ تیمەکانیان چوونە شوێنی روداوەکە و دەستیان بە گەڕان کرد بۆ دۆزینەوەی تەرمی گەنجەکە، بەڵام نەتوانراوە تەرمەکەی بدۆزرێتەوە.
ڕاشیگەیاندووە، گەنجەکە ناوی (ئەحمەد حسین)ەوە و لەدایکبووی ۱۹۸۷، لەگەڵ ھاوڕێیەکیدا بەمەبەستی ڕاوکردنی ماسی چوونەتە ڕووباری سیروان و لەوکاتەدا خنکاوە.
ئاماژەی بەوەشكرد، سبەینێ تیمەکانیان بەردەوام دەبن لە گەڕان بۆ دۆزینەوەی تەرمی ئەو گەنجە.
