وەزارەتی دارایی هەرێم ڕایدەگەیەنێت، ساڵێك لەمەوبەر 25 هەزار كەس هەژماری من-یان هەبووە و ئێستتا بووە بە 500 هەزار كەس.
وەزارەتی دارایی و ئابووری هەرێم لە ڕاگەیەنراوێكدا ئاماژەی بەوەكردووە، ساڵێک لەمەوبەر تەنها نزیکەی 25,000 کەس لە هەرێمی کوردستاندا کارتی بانکییان هەبوو و ئامێرەکانی ڕاکێشانی پارە بە کەمی بەردەست بوون.
ئاماژەی بەوەشكردووە، ئێستا 500 هەزار مووچەخۆر خاوەن هەژماری بانکین و زیاد لە 200 ئامێری ڕاکێشانی پارە بەردەستن لە زیاد لە 65 ناونیشانی جیاواز.
جەختیشی كردەوە، لە ساڵی 2025دا، یەك ملیۆن کەس خاوەن هەژماری بانکی دەبن و 1000 ئامێری ڕاکێشانی پارە لە هەموو شوێنێکی ئەم هەرێمە بەردەست دەبن.
