بەڕێوەبەرایەتی پۆلیسی هەولێر ڕایدەگەیەنێت، تۆمەتبارێكیان دەستگیر كرد لە چەند شوێنێك هەڵسابوو بەدزینی ئاڵتون و چەند ئامێرێكی كارەبایی و هەروەها هەوڵی دابوو ئۆتۆمبێلێكی جۆری (نیسان/سێنترا) بدزێت.
بەڕێوەبەرایەتی پۆلیسی هەولێر بڵاویكردەوە، بەشی پۆلیسی نەهێشتنی تاوان/ نووسینگەی ڕۆژهەڵات، تۆمەتبارێكیان بە ناوی (ی. ز. س) دەستگیر كرد، كە لە چەند شوێنێك هەڵسابوو بە دزینی بڕێك زێڕ و چەند ئامێرێكی كارەبایی و بڕی (٢٥٠٫٠٠٠) دینار و كەلوپەلی ئۆتۆمبێل و ژمارەیەك ئەنگوستیلە و سەعاتی دەستی، هەروەها هەوڵی دابوو ئۆتۆمبێلێكی جۆری (نیسان/ سێنترا) بدزێت.
تۆمەتباری ئاماژەپێكراوی سەرەوە، كە پێشینەی تاوانی هەیە، پەڕاوی لێكۆڵینەوەی بۆ ڕێكخرا و ڕادەستی دادگا كرا.
