سەرۆکی هەرێمی کوردستان ڕایدەگەیەنێت کە حکومەتی هەولێر ئامادەیە بۆ دەستپێکردنەوەی هەناردەکردنی نەوت و سەربارەت بە دواکەوتنی مووچەش داوای لێبوردن لە فەرمانبەران دەکات.
ئەمڕۆ یەکشەممە نێچیرڤان بارزانی، سەرۆکی هەرێمی کوردستان لە میانی سەردانێکیدا بۆ ئیدارەی سەربەخۆی زاخۆ دەربارەی پرسی مووچە و نەوت لێدوانی بۆ ڕۆژنامەنووسان دا.
نێچیرڤان بارزانی ڕایگەیاند، تا ئێستا شتێکی وا نییە بۆ دەستپێکردنەوەی هەناردەکردنی نەوت، بەڵام کێشە لە حکومەتی هەرێمی کوردستانەوە نییە و ئامادەیە بۆ هەناردەکردن، ئەم مەسەلەیە دەبێت لە بەغدا چارەسەر بکرێت.
سەبارەت بە مووچەش، سەرۆکی هەرێمی کوردستان ڕایگەیاند، دوای هاتنی شاندەکەی بەغدا، تا ئێستا ئەوەی ڕوونە ئەوەیە کە مووچە دێت و بڕواناکەم لەمەودوا پرسی مووچە ببێتە کێشە.
نێچیرڤان بارزانی ڕاشیگەیاند، داوای لێبوردن دەکەین کە هەندێکجار مووچە دوادەکەوێت.
ئەم لێدوانەی سەرۆکی هەرێم لە کاتێکدایە کە تا ئێستا فەرمانبەران مووچەی مانگی ئابیان وەرنەگرتووە.
