تەندروستی کۆیە رایگەیاند، سێ حاڵەتی کۆلێرا لە سنوورەکەیان تۆمارکراون کە حاڵەتەکان یەکێکیان لە قەزای کۆیە و دوانی تریان لە ناحیەی تەق تەقە.
لە راگەیەندراویکدا بەڕێوەبەرایەتی تەندروستی کۆیە هۆشداری دەداتە هاووڵاتییان کە کە (٣) حاڵەتی نەخۆشی کۆلێرا لە سنوورەکەمان تۆمارکراوە کە حاڵەتەکان یەکێکیان لە قەزای کۆیە و دوانی تریان لە ناحیەی تەق تەقە.
تەندروستی کۆیە داوا لە هاووڵاتیانیش دەکات کە رێکارەکانی خۆپارێزیی بەباشیی جێبەجێ بکەن، لەوانە: راگرتنی پاکوخاوێنی کەسیی، دڵنیابوونەوە لە پاکیی سەرچاوەی ئاو، ئاگاداربوون لە خواردنی سەوزە و میوە و باش شۆردنەوەیان پێش خواردنیان، خۆدوورگرتن لە خواردنی دەرەوە و سەردانەپۆشراو.
هەروەها داوا دەکات لەکاتی بوونی حاڵەتی سکچوونی توند، سەردانی نەخۆشخانە بکەن، هاوکات تیمەکانی تەندروستی بە بەردەوامیی لە ئەرکدا دەبن و پشکنین بۆ سەرچاوەی ئاو و شوێنکار و خواردنگە و جێگە گومانلێکراوەکان دەکەن، بەمەبەستی دڵنیابوونەوە لە بڵاونەبوونەوەی نەخۆشییەکە.
