پارێزگاری کەرکوک دابەشکردنی زەوی بەسەر مامۆستایانی زانکۆی کەرکوکدا ڕاگەیاند و دەڵێت” مەرجە كە دەبێت بەپێی سەرژمێریی ساڵی 1957 دانیشتووی كەركوك بن”.
ئەمڕۆ شەممە 14ی ئەیلوول پارێزگاری کەرکوک ڕێبوار تەها لەکۆنگرەیەکی ڕۆژنامەوانیدا ڕایگەیاند، زانكۆی كەركوك یەكێكە لە زانكۆ باشەكان و ژێرخانێكی باشی هەیە، و بەڵێنیان پێدراوە کە زەوییان بەسەردا دابەشبکرێت.
ئاماژەی بەوەشدا، و بڕیاردراوە 600 پارچە زەوی بەسەر هەموو ئەو مامۆستایانەی كە مەرجەكانیان تێدایە دابەشبكرێت.
ڕوونیشیکردەوە، ئەو مامۆستایانەی كە زەوییان پێدەدرێت دەبێت مەرجەكانیان تێدابێت و بەپێی سەرژمێریی ساڵی 1957 دانیشتووی كەركوك بن.
