دەزگای ئاسایشی نیشتیمانی دەستبەسەرداگرتنی بڕێکی زۆر ماددەی هۆشبەری ڕاگەیاند و دەڵێت”لەناو قوتوی شیری منداڵدا گیراوە”.
دەزگای ئاسایشی نیشتیمانی عێراق لە بڵاوکراوەیەکدا ڕایگەیاند، دوو کەسی بیانییان بەتۆمەتی بازرگانیکردن بە ماددەی هۆشبەر دەستگیرکردووە.
لە بڵاوکراوەکەدا دەزگاکە دەڵێت، تاوانباران لەناو قوتوی شیری منداڵدا ماددە هۆشبەرەکانیان شاردبۆوە.
ئاشکراشیکرد، تاوانبارە بیانییەکان ژنێک و پیاوێک بوون، لەپارێزگای بەسرە دەستگیرکراون، کە ماددەی هۆشبەری جۆری کریستاڵیان لەنێو ئەو قوتوانەدا شاردبۆوە کە شیری منداڵی تێدەکرێت.
