لەیلا عومەر عەلی سەرۆکی شارەوانی سلێمانی ڕایگەیاند، نەخشەی پارکی بۆنەکان وەک پارکێکی سەوزایی گەورە هاوشێوەی پارکی ئازادی بە دیزاینێکی جوان ئامادە دەکرێت.
ئاماژەی بەوەشدا، پارکەکە و لەسەر ڕووبەری زیاتر لە (٦٥دۆنم) لە بناری گۆیژە هەوڵی بۆ ئەدرێت بخرێتە بواری جێبەجێکردنەوە.
سەرۆکی شارەوانی ڕاشیگەیاند، لەگەڵ بەشی نەخشەسازی دیزاین و هۆبەی جێبەجێکردن و پەرەپێدانی ماستەرپلان و لێپرسراوی هۆبەی ئەنجومەن تایبەت بە خێراکردنی پڕۆسەی تەواوکردنی ڕێکارە هونەری و یاساییەکانی تۆمارکردنی پارکی بۆنەکان کۆبووینەوە، و لەدیزاینەکەیدا چەندین چالاکی جۆراوجۆری مۆدێرن لەخۆدەگرێت وە بە کۆتاییهاتنی شاری سلێمانی لە ڕووی ڕێژەی سەوزاییەوە دەباتە قۆناغێکی زۆر پێشکەوتووترەوە.
