شانەی راگەیاندنی ئەمنی عێراق ڕایدەگەیەنێت، هێزەكانی هەواڵگری بەهەماهەنگی هێزەكانی پۆلیسی لێكۆڵینەوەی فیدڕاڵی توانیان لە چەند ئۆپەراسیۆنێكی هاوكاتدا 6 تیرۆریست لە هەریەك لە پارێزگاكانی كەركوك و سەڵاحەدین و ئەنباڕ دەستگیربكەن.
شانەی راگەیاندنی ئەمنیی عێراق بڵاویكردەوە، كە هێزەكانی هەواڵگری بەهەماهەنگی هێزەكانی پۆلیسی لێكۆڵینەوەی فیدڕاڵی ژمارەیەك ئۆپراسیۆنیان لە پارێزگاكانی كەركوك و سەڵاحەدین و ئەنبار ئەنجامدا و 3 تیرۆریست لە سەڵاحەدین، 2 تیرۆریست لە كەركوك و تیرۆریستێكیش لە ئەنباڕ دەستگیركران.
ئاماژە بۆ ئەوەشكراوە، كە ئەو 6 تیرۆریستە بە ماددەی 4ـی تیرۆر راگیرراون و لێكۆڵینەوە لەگەڵیاندا بەردەوامە.
