لەگەڵ دەستپێکی وەرزی پایز، پسپۆڕانی تەندروستی پێشنیاری گرنگیدان بە خۆراکی پڕ لە ڤیتامین و کانزاکان دەکەن، بۆ بەرەنگاربوونەوەی نەخۆشییە وەرزیەکان.
دکتۆر دۆناڵد گرانت، پزیشکی گشتی و ڕاوێژکاری کلینیکی، کۆمەڵێک پێشنیاری خۆراکی بۆ وەرزی پاییز و زستان پێشکەش دەکات، کە یارمەتی بەرزکردنەوەی بەرگری لەش و مانەوە بە تەندروستی دەدات.
ئاماژەی بەوەکردووە، لە مانگە فێنکەکانی ساڵدا مەترسی تووشبوون بە نەخۆشییە باوەکان، وەک سەرمابوون و کێشەکانی هەناسەدان زیاد دەکات، گرنگە ئەو خۆراکانە لە پێشینەدا دابنرێت کە سیستەمی بەرگری لەش بەهێز دەکەن.
میوەکانی وەک پرتەقاڵ و لیمۆ و ترێ کە دەوڵەمەندن، بە ڤیتامینەکان، لەگەڵ سەوزە میوە بە تایبەتی ئەوانەی ڕەنگێکی گەشاوەیان هەیە و سەرچاوەیەکی باشی ڤیتامین و کانزا دژە ئۆکسێنەرەکانن، یارمەتی بەرزکردنەوەی بەرگری لەش دەدەن.
پرۆتینەکان و دانەوێڵەکان کە دەوڵەمەندن بە ڕێژەیەکی بەرزی ڕیشاڵ و ڤیتامین و کانزاکان، یارمەتی هەستکردن بە تێری دەدات و هەرسکردن باشتر دەکات،
بەرهەمە شیرەمەنیەکان، بەهۆی ئەوەی ڕێژەیەکی بەرزی کالیسیۆمی تێدایە، پێویستن بۆ پاراستنی تەندروستی ئێسک و گەشەکردنی ماسولکەکان.
خواردنی چەورییە تەندروستەکان، وەک ئەوانەی لە ئەڤۆگادۆ و گوێز و زەیتی ڕووەکیدا هەن، یارمەتیدەرن لە هەڵمژینی ڤیتامین و کانزاکان و هەوکردن کەمدەکەنەوە.
