بەڕێوەبەرایەتی هاتووچۆی سلێمانی ڕایدەگەیەنێت، هەر فرۆشگا و ماركێت و دەرمانخانەیەك قووچەكی فسفۆڕی یان هەر هێمایەكی دیكە بۆ شەقام دابنێت بۆ تایبەت كردنی شوێنەكە بۆخۆی سزادەدرێت.
بەڕێوەبەرایەتی هاتووچۆی سلێمانی ئاگاداری سەرجەم فرۆشگا و ماركێت و دەرمانخانە و هەموو ئەو لایەنانە دەكات، كە قووچەكی فسفۆری یان هەر هێمایەكی دیكە لەشەقامەكانی بەردەم شوێنی كارەكانیان دادەنێن بەمەبەستی تایبەتكردنی ئەو شوێنانە بۆخۆیان ئاگاداریان دەكەین، كە شەقامەكان موڵكی گشتییە و نابێت بۆ بەرژەوەندی تاكەكەسی بەكاربهێنرێت و كارێكی نایاساییە.
ڕاشیگەیاندووە، بۆ ئەم مەبەستە لە سبەینێ ڕێكەوتی 10- 9- 2024 ڕۆژی سێ شەممەوە بە هەماهەنگی لەگەڵ بەشی زیادەڕەوی سەرۆكایەتی شارەوانی سلێمانی لێپێچینەوە لەو لایەنانە دەست پێدەكات.
