وتەبێژی حکومەتی هەرێم ڕێککەوتنی هەولێر و بەغدا ئاشکرا دەکات و دەڵێت”ڕیککەوتن کراوە بەغدا مانگانە مووچە بنێرێت”.
پێشەوا هەورامانی وتەبێژی حکومەتی هەرێم ڕایگەیاند، ھەردوو ئەنجومەنی وەزاری ئابووری ھەرێم و عێراق لە بارەی پرسی مووچە ڕێککەوتن کە حکومەتی فیدڕاڵ مانگانە مووچەی فەرمانبەران ڕەوانە بکات.
ئاماژەی بەوەشداوە، لە کۆبوونەوەکاندا ڕێککەوتن کراوە و حکومەتی ھەرێم تاوەکوو سەری ساڵ کێشە تەکنیکییەکان چارە بکات.
ماوەی دوو ڕۆژە کۆبوونەوەکانی هەردوو ئەنجوومەنی وەزاریی ئابووریی عێراق و هەرێمی کوردستان لە هەولێر بەردەوامن و لەبارەی ژمارەیەک پرس گەیشتوونەتە ڕێککەوتن و لێکتێگەیشتنی باشیش لەسەر ژمارەیەک پرسی دیکە هەیە.
