ینس ستۆلتنبێرگ ئەمینداری گشتی هاوپەیمانی ناتۆ ڕایدەگەیەنێت، مەترسییە لە لە گەورەیی ڕوسیا و ڤلادیمێر پۆتینی سەرۆكی وڵاتەكە كەمبكرێتەوە.
ئەمڕۆ پێنج شەممە، ئاژانسی “ڕۆیتەرز” لە زاری ستۆلتنبێرگەوە بڵاویكردەوە”هیچ دەستەواژەیەك نییە لەسەر ئەوەی پۆتین پلان و ئامانجەكانی لە ئۆكراینا گۆڕیبێت، بۆیە مایەی مەترسییە لە پێگەی ڕووسیا كەمبكرێتەوە”.
ستۆلتنبێرگ بەپێویستی دەزانێت، ئاستی توانای شەڕكردنی هاوپەیمانی ناتۆ بەرزبكرێتەوە، ئاماژەی بە پێویستی هاوپەیمانییەكەش كرد بۆ سەرباز و چەك و تەقەمەنی زیاتر.
پێشتر میدیاكان بڵاویانكردبۆوە، چاوەڕوان دەكرێت لە ١٨ و ١٩ی ئەم مانگەدا لە برۆكسل كۆبوونەوەی لیژنەی سەربازی ناتۆ سازبكرێت كە بە باڵاترین دەستەی سەربازی هاوپەیمانییەكە دادەنرێت.
