تانکەرێکی سووتەمەنی لەسەر رێگەی زەڕایەن-دەربەندیخان گڕی گرتووە و بەهۆی خۆكێشانی بە بارهەڵگرێكی شەش تەنی، ئاگرێکی گەورە کەوتۆتەوە و ڕێگای هاتووچۆ وەستاوە.
بەڕێوەبەرایەتی هاتووچۆی دەربەندیخان لە ڕاگەیەنراوێكدا ئاماژەی بەوەكردووە، کەمێک پێش ئێستا لەسەر ڕێگای گشتی ( دەربەندیخان – زەڕایەن) لەبەردەم گوندی بیرکێ تەنکەرێکی گواستنەوەی سووتەمەنی گڕ دەگرێت و خۆی دەکێشێ بە بارهەڵگرێکی مسیوبۆشی شەش تەنیدا.
ڕاشیگەیاندووە، شۆفێری تەنکەرەکە ڕزگاری بووە تەنها شۆفێر و سەرنشینی مسیوبۆشی شەش تەنی بریندار بوون.
ئاماژەی بەوەشكردووە، بەهۆی سووتانی تەنکەرەکەشەوە شاخەکەش ئاگری گرتوە و لە ئێستادا ڕێگای سەرەکی داخراوە، بۆیە لەکاتی کردنەوەی ڕێگاکەدا ئاگادارتان دەکەینەوە.
