ناسنامەی قوربانیانی هێرشە درۆنییەكەی ئەمڕۆی تورکیا بۆ سەر ئۆتۆمبێلێكی مەدەنی لە نزیکی خەلەکان لە شارۆچكەی دوكان ئاشکر کران، کە باوکێک بە ناوی “موزەفەر مۆزۆ” و دوو کوڕی بوون، هاوکات دانیشتووی شارۆچکەی حاجیاوان.
ئەمڕۆ چوار شەممە 4ی ئەیلوول، تورکیا بە فڕۆکەی بێفڕۆکەوان بۆردوومانی ئۆتۆمبێلێکی هاووڵاتییانی مەدەنیی لەسەر ڕێگای خەلەکان – کانی وەتمان و بە دیارییکراوی لە نزیکی شارەدێی خەلەکان- ی سەربە شارۆچکەی دۆکان لە پارێزگای سلێمانی کرد.
بەپێی زانیارییە سەرەتاییەكان، بەهۆی بۆردوومانەکەوە باوکێک بە ناوی (موزەفەر حسێن خدر عەولا) ناسراو بە “موزەفەر مۆزۆ” و دوو کوڕی بەناوەکانی (محەمەد موزەفەر، موبین موزەفەر) گیانیان لەدەستداوە، کە خەڵکی شارەدێی ناودەشتن و دانیشتووی شارۆچکەی حاجیاوان لە ئیدارەی ڕاپەڕین.
بۆردوومانەکە کاتژمێر ٠١:٢٥ـی خولەکی ئەم نیوەڕۆیە بوو، لەلایەن فڕۆکەی بێفڕۆکەوانی تورکیاوە ئۆتۆمبێلێکی لە جۆری توێتا لاندکرۆزەر بەئامانج گیراوە و بە تەواوی سووتاوە.
