وەزارەتی شارەوانی ڕەزامەندی لەسەر خەرجکردنی گوژمه‌ی پێویست بۆ 12 پرۆژهی خزمه‌تگوزاری له شاری سلێمانی و ده‌وروبه‌ری دەربڕی.
ئەمڕۆ دووشەممە، وه‌زاره‌تی شاره‌وانی و گه‌شتوگوزار ڕایگەیاند،، وەزارەتەکەیان ڕه‌زامه‌ندی نیشاندا له‌سه‌ر خه‌رجكردنی 12 گوژمه‌ی جۆراوجۆر، بۆ جێبه‌جێكردنی ژماره‌یه‌ك پرۆژهی خزمه‌تگوزاری له سێكته‌ره‌كانی گه‌شتوگوزار و شاره‌وانی و ئاو، له شاری سلێمانی و ده‌وروبه‌ری.
ڕوونیشیکردەوە کە ئه‌و گوژمانه له‌سه‌ر ڕێژه‌ی 15%ی داهاتی گه‌شتیاری، ڕێژه‌ی 15%ی داهاتی شاره‌وانی، ڕێژه‌ی 100%ی داهاتی فرۆشتنی زه‌ویی ڕوكنی شاره‌وانی و ڕێژه‌ی 17%ی داهاتی ئاو، به‌پێی یاسا و ڕێنماییه‌كانی دارایی بۆ جێبه‌جێكردنی ئه‌و پرۆژانه، خه‌رج ده‌كرێن.
وەزارەتی شارەوانی ڕایگەیاند، پرۆژه‌كان بریتین لە:
1- گوژمه‌ی 39،160،000 دینار، بۆ پرۆژهی دانانی خزمه‌تگوزاریی مێز و كورسیی كۆنكرێتی له ناوچه گه‌شتیارییه‌كانی قه‌ره‌داغ.
2- گوژمه‌ی 138،313،000 دینار، بۆ پرۆژهی چاكسازی له چه‌ند شه‌قامێك و فراوانكردنی ڕێگه‌ی هاتنه‌ناوه‌وه‌ی ئۆتۆمبێل له‌سه‌ر ڕێگه‌ی سلێمانی- كه‌ركووك بۆ ناو شاره‌وانیی گۆپاڵه.
3- گوژمه‌ی 17،906،000 دینار، بۆ جێبه‌جێكردنی پرۆژهی دانانی خزمه‌تگوزاریی مێز و كورسیی كۆنكرێتی له ناوچه گه‌شتیارییه‌كانی دووكان.
4- گوژمه‌ی 24،750،000 دینار، بۆ پرۆژهی دروستكردنی محاجه‌ره و قادرمه له‌سه‌ر لێواری زێی دووكان.
5- گوژمه‌ی 16،460،000 دینار، بۆ پرۆژهی دابینكردن و دانانی بۆریی ئاو له گه‌ڕه‌كی ڕۆشنبیران له ناحیه‌ی زه‌ڕایه‌ن.
6- گوژمه‌ی 3،151،000 دینار، بۆ دروستكردنی سیاج بۆ تانكی به‌رزی قه‌ره‌قوڵ له ناحیه‌ی زه‌ڕایه‌ن.
7- گوژمه‌ی 13،123،230 دینار، بۆ پرۆژهی گۆڕینی بۆریی به‌شێك له ماڵه‌كانی گه‌ڕه‌كی سابونكه‌ران له سلێمانی.
8- گوژمه‌ی 26،208،000 دینار، بۆ پرۆژهی ڕاكێشانی بۆریی ئاو له گه‌ڕه‌كی ولوبه له‌سه‌ر شه‌قامی سلێمانی عه‌ربه‌ت.
9- گوژمه‌ی 68،320،000 دینار، بۆ دابینكردنی گاز و به‌نزین و ڕۆن، بۆ ئۆتۆمبێل و ئامێره‌كانی به‌ڕێوه‌به‌رایه‌تیی ئاوی سلێمانی.
10- گوژمه‌ی 336،065،920 دینار، بۆ پرۆژهی به‌سیسته‌مكردنی كۆكردنه‌وه‌ی كرێی ئاو له سلێمانی و ده‌وروبه‌ری.
11- گوژمه‌ی 5،754،000 دینار، بۆ پڕۆژه‌ی گۆڕینی بۆریی ئاو له گه‌ڕه‌كی قازی محه‌مه‌د بۆ چاره‌سه‌ركردنی كێشه‌ی كه‌مئاوی له سنووری به‌ڕێوه‌به‌رایه‌تیی ئاوی سلێمانی.
12- گوژمه‌ی 10،370،000 دینار، بۆ پرۆژهی فراوانكردنی كۆنكرێتی یاریگای باله له ناحیه‌ی خه‌له‌كان.
