وەزارەتی شارەوانی ڕایگەیاند، زیاتر لە 54 ملیۆن دینار بۆ دروستکردنی شوێنی نوێژ و دانانی کەپر و کورسی و یاری منداڵان لە ناوچه گه‌شتیارییه‌كانی شاری كۆیه خه‌رج ده‌كرێت.
ئەمڕۆ دووشەممە، وه‌زاره‌تی شاره‌وانی و گه‌شتوگوزار ڕایگەیاند، وەزارەتەکەیان له‌سه‌ر داهاتی گه‌شتیاری له سنووری به‌ڕێوه‌به‌رایه‌تیی گشتیی گه‌شتوگوزاری هه‌ولێر، گوژمه‌ی 54,319,500 دینار، بۆ دابینكردنی خزمه‌تگوزاری و په‌ره‌پێدانی ناوچه گه‌شتیارییه‌كانی شاری كۆیه خه‌رج ده‌كات.
ڕوونیشیکردەوە کەئه‌و گوژمه‌یه به‌پێی دوو فه‌رمانی وه‌زاری، له‌سه‌ر داهاتی گه‌شتیاری له سنووری به‌ڕێوه‌به‌رایه‌تیی گه‌شتوگوزاری هه‌ولێر له‌لایه‌ن وه‌زاره‌تی شاره‌وانی و گه‌شتوگوزاره‌وه به‌پێی یاسا و ڕینمایییه‌كانی دارایی ڕه‌زامه‌ندی له‌سه‌ر خه‌رجكردنی دراوه.
ڕاشیگەیاند، پارەکە بۆ جێبه‌جێكردنی پڕۆژه‌ی دروستكردنی شوێنی نوێژ و دانانی سیتی ئاوده‌ست له سنووری ناوچه گه‌شتیارییه‌كانی كۆیه و هه‌روه‌ها دانانی كه‌پر و كورسی و یاریی منداڵان له به‌نداوی حه‌مامۆك له سنووری شاری كۆیه.
