بەڕێوەبەرایەتی چاودێری و گەشەپێدانی کۆمەڵایەتی چەمچەماڵ خاوەنپێداویستییەکان ئاگاداردەکاتەوە لە دروستکردنی کۆدی بایۆمەتری و دەشڵێت”ئەوەی سەردانمان نەکات مووچەکەی ڕادەگیرێت”.
لەبڵاوکراوەیەکدا بەڕێوەبەرایەتی چاودێری و گەشەپێدانی کۆمەڵایەتی چەمچەماڵ ڕایگەیاند، ئاگاداری سەرجەم خاوەن پیداویستی تایبەت و کەمئەندامان دەکەینەوە ئەوانەی مووچەی کەم ئەندامیان هەیە لەبەڕێوەبەرایەتیمان لە ماوەی ئەم هەفتەیەدا سەردانی بەڕێوەبەرایەتی چاودێری و گەشەپێدانی کۆمەڵایەتی چەمچەماڵ بکەن.
بەڕێوەبەرایەتییەکە هۆکاری سەردانیکردنەکە ئاشکرادەکات بەمەبەستی :
۱- دروستکردنی کۆدی بایۆمەتری بۆئەو کەم ئەندامانەی بایۆمەتریان نەکردووە و کارتی نیشتمانی و پێناسی موچەی کەم ئەندامی لەگەڵ خۆیان بهێنن.
۲-ئەوانەی کۆدی بایۆمەتریان هەیە کۆدەکان بگەڕێننەوە بۆ بەڕێوەبەرایەتیمان
بەڕێوەبەرایەتییەکە جەختیشدەکاتەوە، هەرکەم ئەندامێک سەردانیان نەکات و بایۆمەتری نەبێت مووچەکەی ڕادەگیرێت ،
ناونیشان/ بەڕێوەبەرایەتی چاودێری و گەشەپێدانی کۆمەڵایەتی چەمچەماڵ /گەڕەکی ئاسوودە تەنیشت مزگەوتی سالار فقی.
