حکومەتی هەرێم لە ڕێگەی فەرمانێکەوە پاداشتی دارایی بۆ پاڵەوانانی یارییە تاك و بەكۆمەڵەكانی كوردستان لە ئاستی ناوخۆ و عێراق و جیهان دابیندەکات و دەڵێت” لە ١ملیۆن تا ٣٠ ملیۆن دەبێت”.
بەپێی نووسراوێک کە واژۆی ئومێد سەباح سەرۆکی دیوانی لەسەرە، دوای ڕەزامەندی مەسرور بارزانی بە نووسراوی ژمارە 11582 لە ڕێكەوتی 28-8-2024، بڕیار درا بە پاداشتكردنی پاڵەوانە یەكەمەكانی وەرزش لە یارییە تاك و كۆیەکاندا.
بەپێی نووسراوەکە، لەمەودوا ئەو تیپ و یانە و پاڵەوانانەی لە ئاستی خولەكانی ناوخۆ، عێراق و ئاسیا و جیهان نازناو یان پلەی یەكەم و دووەم و سێیەم بەدەست دەهێنن، پاداشتی دارایی وەردەگرن، پاداشتەکەش لە 500 هەزارەوە دەستپێدەکات بۆ 30 ملیۆن دینار.
هاوکات نووسراوەکە لەمڕۆوە کاری پێدەکرێت و ڕەزامەندی وەزارەتی دارایی هەرێمی بۆ وەرگیراوە، بۆ گرتنەبەڕی ڕێککار و هەنگاوی پێویست.
جۆری پاداشتەکان بەپێی پاڵەوانێتییەکان:
