بەڕێوەبەرایەتی گشتی حەج و عومڕەی هەرێمی كوردستان ڕایدەگەیەنێت ، هاووڵاتیەكی هەرێمی كوردستان دوای گەڕانەوەی لە سعوودیە عومرەكارێكی كوردستان كۆچی دوایی كرد، دەڵێت ،”عومرەكارە كە خەڵكی شاری دهۆكە و لە سعوودیە چەند جارێك چارەسەری وەرگرتووە”.
كاروان ستونی، بەڕێوەبەری ڕاگەیاندنی بەڕێوەبەرایەتی گشتی حەج و عومڕەی هەرێمی كوردستان بە (خەڵك) ی ڕاگەیاند، ئەمرۆ هاووڵاتی سەلام تەها قارقاڤایی دوای بەجێگەیاندنی سوونەتی عومرە و گەڕانەوەی بۆ هەرێمی كوردستان لەماڵەوە كۆچی دوایی كرد.
ڕاشیگەیاند، ئەو عومرەكارە خەڵكی شاری دهۆكە و لە سعوودیە چەند جارێك چارەسەری وەرگرتووە و دوای گەڕانەوەی بۆ هەرێمی كوردستان لە لایەن كەسوكارییەوە پێشوازی لێدەكرێت بەداخەوە دوای چەند كاتژمێرێك لە گەیشتنەوەی بۆ ناو كەسوكارەكەی كۆچی دوایی كرد.
