بەهۆی بەرکەوتنی تەزووی کارەباوە کرێکارێک لە کاتی کارکردن لە یەکێک لە گەڕەکەکانی قەزای خورماڵ گیانی لەدەستدا.
بەرزان عوسمان وتەبێژی پۆلیسی هەڵەبجە ڕایگەیاند، پێشنیوەڕۆی ئەمڕۆ لە گەڕەکی ئەردەڵانی قەزای خورماڵ لە کاتی کارکردن کرێکارێک بەر تەزووی کارەبا کەوت و گیانی لەدەستدا.
ئاماژەی بەوەکرد، دۆسیەی لێکۆڵینەوە لە رووداوەکە لە بنکەی پۆلیسی خورماڵ کراوەتەوە.
بەپێی زانیارییەکان کرێکارەکە ناوی (بێوەی ئەحمەد ئیسماعیل)ە، تەمەنی 48 ساڵانە و دانیشتووی ئەحمەد ئاوایە.
