كۆبوونه‌وه‌ی ئه‌نجومه‌نی پارێزگای كه‌ركوك ده‌ستی پێكرد و بەشێک لە عەرەبەکان و تورکمان و پارتی بایکۆتیان کرد.
كه‌مێك له‌مه‌وبه‌ر كۆبوونەوەی ئەنجومەنی پارێزگای كەركوك به‌سه‌رۆكایه‌تی محه‌مه‌د حافز و بە ئامادەبوونی 9 ئەندامی ئەنجومەنەكە دەستیپێكرد.
له كۆبوونه‌وه‌كه‌دا ئه‌ندامانی فراكسیۆنه‌كانی یه‌كێتیی نیشتمانیی كوردستان، هاوپه‌یمانی قیاده و عروبه و بزووتنه‌وه‌ی بابلیۆن كه پێكه‌وه خاوه‌نی 9 كورسین، به‌شداربن.
لەلایەکی ترەوە ئه‌ندامانی فراكسیۆنه‌كانی هاوپه‌یمانی عه‌ره‌بی، به‌ره‌ی توركمانی و پارتی دیموكرات، كه پێكه‌وه خاوه‌نی 7 كورسی ئه‌نجومه‌نی پارێزگای كه‌ركوكن، به‌شداریی كۆبونه‌وه‌كه‌ی ئه‌نجومه‌نیان نه‌كرد و بایکۆتیان کرد.
بایکۆتکردنی دانیشتنی ئەمڕۆی ئەنجومەنی پارێزگای کەرکوک بۆ ئەوە دەگەڕێتەوە، ئەو سێ لایه‌نه چاوه‌ڕێی دادگای فیدراڵین بۆ یه‌كلاییكردنه‌وه‌ی سكاڵاكانیان.
