بەپێی بڕیارێکی وەزارەتی ئەوقافی هەرێم، بانگدان لە مزگەوتەکاندا دەکرێت بە ئەلیکترۆنی، بەڕێوەبەری ئەوقافی گەرمیانیش دەڵێت، “مانگێکی تر لە گەرمیان دەست بە جێبەجێکردنی دەکرێت”.
لەچوارچێوەی پرۆژەیەکدا بۆ یەکخستنی کاتەکانی بانگدان لەپارێزگا و ئیدارە سەربەخۆکان، بڕیاری وەزارەتی ئەوقافی هەرێم بە ئەلیکترۆنی کردنی بانگی داوە.
سەباح محەمەد، بەڕێوبەری گشتی ئەوقافی گەرمیان ڕایگەیاند، بڕیارەکە گەیشتووەتە سلێمانی و دوای تەواوبوونیشی کە نزیکەی مانگێکی تر دەکات، دەگاتە گەرمیان و جێبەجێدەکرێت.
ئاماژەی بەوەشکرد، بەئەلیکترۆنیکردنەکە بەوجۆرەیە کە لەگەڵ کۆمپانیایەک گرێبەست کراوە و هەمو مزگەوتەکان دەبەستن بەیەکەوە و راستەوخۆ لە مزگەوتێک بانگدەدرێت و بۆ هەمو مزگەوتەکانی تریش دەگوێزرێتەوە.
