ئەندامێکی ئەنجومەنی نوێنەرانی عێراق لەبارەی وردبینی لیستی مووچەوە ڕایگەیاند، “لیستی مووچە کێشەی زۆری تێدایە”.
سۆران عومەر، ئەندامی ئەنجومەنی نوێنەرانی عێراق ڕایگەیاند، ئەمڕۆ فەرمانگەی ژمێریاری وەزارەتی دارایی عێراق وردبینی تەواوکرد و تێبینیەکانی خۆی بەرزکردووەتەوە.
ئاماژەی بەوەکرد، لیستی مووچە و میلاکاتی ٢٨ وەزارەت و سەرۆکایەتی و دەستە ناوەکانیان کێشە و جیاوازی زۆری تێدایە، تەنها دەستەی دەست پاکی و چاودێری دارایی و دەستەی ژینگە کێشەی نەبووە.
ئەمەش لە کاتێکدایە، دوێنێ وەزارەتی دارایی و ئابووریی هەرێم لەبارەی مووچەوە ڕوونکردنەوەیەکی بڵاوکردەوە و ڕایگەیاند، وەزارەتی دارایی عێراق دوای ٣١ ڕۆژ لە ناردنی لیستی مووچە %00.14 کۆی تەمویلی مووچەی مووچەخۆرانی هەرێمی کوردستانی ناردووە.
